Polonia po investon rreth 2.5 miliardë dollarë për të rritur sigurinë në kufirin e saj me Rusinë dhe aleatin e saj Bjellorusinë. Donald Tusk tha se puna në projektin Shield-East, i cili përfshin ndërtimin e fortifikimeve të duhura ushtarake, tashmë ka filluar. Polonia është në krahun lindor të NATO-s dhe të Bashkimit Evropian dhe Tusk theksoi se ajo mban përgjegjësi shtesë për sigurinë e Evropës. “Ne po hapim një projekt të madh të ndërtimit të një kufiri të sigurt, duke përfshirë një sistem fortifikimesh dhe të formësimit të terrenit, (të) vendimeve mjedisore që do ta bëjnë këtë kufi të padepërtueshëm nga një armik i mundshëm,” shtoi Tusk. Qeveria e mëparshme e krahut të djathtë të Polonisë ndërtoi një mur 400 milionë dollarësh në kufirin me Bjellorusinë për të ndalur fluksin masiv të emigrantëve që filluan të shtyheshin nga ai drejtim në vitin 2021, por qeveria aktuale pro-BE thotë se ai duhet të forcohet.