Pamje të rënda vinin sot nga Jemeni ku forcat pro-qeveritare sulmonin linjat e rebelëve Huthi pranë qytetit strategjik të Marib. Dhjetra rebelë raportohej se ishin vrarë në Marib, i cili ishte kthyer në një strehë për mijëra rebelë të larguar nga linja të tjera lufte në vend. Gjenerali Mohamed bin Rasia, besnik i forcave qeveritre të mbështetura nga Arabia Saudite, tha se sulmet e rebelëve ishin sprapsur. "Sot militantët e mbështetur nga ambasadori iranian Hassan Erlo u përpoqën të infiltrohen në këto zona por u sprapsën nga Ushtria Kombëtare dhe rezistenca." Grupet e vëshgimit të krizës thonë se Jemeni ka arritur një pikë kritike dhe ekziston nevojë urgjente për armëpushim. Jemeni është përfshirë nga dhuna dhe kaosi prej vitit 2014, kur rebelët Huthi pushtuan pjesën më të madhe të vendit, përfshirë kryeqytetin Sana. Kriza u përshkallëzua në vitin 2015 kur koalicioni ushtarak saudit nisi një fushatë bombardimesh ajrore në territoret e kapura. Mijëra jemenas, përfshirë civilë, besohet se janë vrarë në konflikt, i cili ka shkaktuar krizën më të rënsë humanitare në botë.