Fermerët e rajonit qendror meksikan Atlikso prisnin sot lulet tradicione për zbukurimin e altareve e varreve në celebrimet e Ditës së të Vdekurve, më 1 e 2 nëntor. Tradita vendase thotë se lulet çempasuçi shërbejnë si’ tërheqëse’ që shpirtrat të afrohen te altarët. "Sot nisi prerja e luleve. Nisi pak më herët per arsye te ditëve të vështira që priten për punonjësit e fushave”, thotë një prej fermerëve në pritje të festës tradicionale. Fermeri tjetër Hipolito Gachupin shtoi: "Për arsye të pandemisë çmimet janë më të ulëta, por prodhimi ka qenë i mirë. Çfarë të bëjmë, duhet të punojmë për të mbijetuar." Dita e të Vdekurve festohet në Meksikë dhe disa vende të tjera latine, nga popujt me trashëgimi kulturore mesikane. Ajo lidhet me celebrimet katolike të Ditës së Shpirtrave, por ka një natyrë më pak solemne duke u kthyer në një celebrim të gëzueshëm dhe jo të zymtë. Në të mblidhen familjet e miqtë për të bërë homazhe ndaj familjarëve të vdekur. Me tone humortistike ata kujtojnë evente qesharake me të ndjerët ose histori te spikatura me ta.