Platforma më e madhe e komunikimit në botë Facebook tani do të quhet Meta. Ndryshimi i emrit të gjigandit Facebook vjen pasi kompania po përballet me kritika nga ligjvënësit dhe rregullatorët mbi fuqinë e saj në treg, vendimet e saj algoritmike dhe rregullat për abuzimet në platformat e saj. Mark Zuckerberg, ceo i Facebook tha se emri i ri, Meta, pasqyronte fokusin e tij në ndërtimin e të ashtëquajturës metaverse. Metaverse i referohet gjerësisht idesë së një mjedisi virtual të përbashkët, i cili mund të aksesohet nga njerëz që përdorin pajisje të ndryshme "Kam menduar shumë për identitetin tonë ndërsa fillojmë këtë kapitull tjetër. Facebook është një nga produktet më të përdorura në historinë e botës," tha Zuckerberg. “Është një markë ikonë e mediave sociale, por gjithnjë e më shumë thjesht nuk përfshin gjithçka që bëjmë. Sot ne shihemi si një kompani e mediave sociale," shtoi ai, "por në ADN-në tonë, ne jemi një kompani që ndërton teknologji për të lidhur njerëzit. Dhe metaverse është kufiri tjetër, ashtu si ishte rrjetet sociale kur filluam. " Facebook shfaqi një seri video konceptesh që theksonin vizionin e tij për metaverse, të tilla si dërgimi i një imazhi holografik të vetes në një koncert me një mik që merr pjesë në jetën reale.