Mbrëmjen e së hënës ndodhi eklipsi i diellit. Pak pas orës 19:00, miliona njerëz panë Hënën të kalonte përballë Diellit, ndërsa eklipsi total u bë i dukshëm në rajonet e Amerikës Qendrore dhe Veriore. Ky proces nisi nga Oqeani Paqësor. Rruga e eklipsit kaloi Meksikën dhe vazhdoi në SHBA përmes Teksasit e më pas vijoi edhe në verilindje duke kaluar nëpër Kanada. Sipas NASA-s, mbi 300 milionë njerëz patën mundësinë të përjetojnë qoftë edhe një eklips të pjesshëm. Por sa i rrallë është një eklips total diellor? Në fakt nuk janë aq të rrallë, pasi ndodhin dy deri në katër çdo vit. Por mundësia e njerëzve për të parë një eklips të plotë diellor është shumë më e rrallë. Toka është mjaft e madhe dhe pjesa dërrmuese e saj është e mbuluar nga oqeane. Ky i së hënës ishte eklipsi i rrallë në këtë shekull sepse ishte i pari i dukshëm në të tre vendet e Amerikës së Veriut: SHBA, Kanada dhe Meksikë. Pamjet: AFP