Personi që shihni në foto nuk është një 14-vjeçar por një burrë 35-vjeçar. Për shkak se duket si adoleshent, Denis Vashurin detyrohet të mbaj gjithmonë me vete një certifikatë lindjeje, pasi njerëzit e mendojnë të mitur. I riu nga Rusia u bë I famshëm dy vjet e gjysmë më parë pasi u intervistua nga një television rus për pamjen e tij. Pavarësisht paragjykimeve në public, me kalimin e viteve Denisi thotë se ka mësuar të përqafojë pamjen e tij rinore. Ndryshimin e parë në trupin e tij, 35-vjeçari thotë se e vuri në dukje në moshën 4-vjeçare. Ai tregon se është vizituar në shumë spitale por nuk ka gjetur ende një shpjegim për pamjen e tij. “Jam shumë i lumtur, minuset mund të kthehen në pluse. Kjo varet nga personi, forca dhe aftësia për të rregulluar jetën e tyre.”, tha Denisi ndërsa shtoi se prioritet në jetë mbetet shëndeti dhe se ai tashmë nuk dëshiron që të plaket por të qëndrojë I ri. Ai tani e kalon kohën duke udhëtuar dhe shpesh poston aventurat e tij në Instagram, ku ka gati 20 mijë ndjekës. Pamjet: AFP