Në mesazhin e parë pas fitores, pro-europiani Peter Magyar, që pritet të bëhet kryeministri i ardhshëm i Hungarisë, u zotua se do të ndjekë penalisht ata që sipas tij, “plaçkitën, grabitën, tradhtuan, futën në borxhe dhe shkatërruan” vendin e tij, duke premtuar “një epokë të re” pas fitores dërrmuese ndaj paraardhësit të tij të ekstremit të djathtë, Viktor Orbán. “Vendi ynë nuk ka kohë për të humbur. Hungaria është në telashe në çdo aspekt. Ne do të bëjmë gjithçka që është në fuqinë tonë për të shënuar vërtet fillimin e një epoke të re... Populli hungarez nuk votoi për një ndryshim të thjeshtë të qeverisë, por për një ndryshim të plotë të regjimit”, tha Magyar në një konferencë për media, një ditë pasi partia e tij e ekstremit të djathtë, Tisza, fitoi 138 vende nga 199 që ka në total Parlamenti. Magyar, një ish-besnik i Orbán-it, siguroi një shumicë vendimtare prej dy të tretash, që do t'i lejojë atij të shfuqizojë ligjet që ndihmuan kryeministrin nacionalist në largim të transformonte Hungarinë në një "demokraci joliberale" gjatë 16 viteve të tij në pushtet.