Top Channel/Dronët ukrainas godasin objektet karburantit, shpërthen në flakë rafineria ruse e naftës

Dronët ukrainas kanë goditur objektet e energjisë dhe karburantit në rajonin rus Smolensk, duke u vënë zjarrin. “Rajoni ynë është duke u përballur me sulme nga dronët ukrainas përsëri”, shkroi guvernatori rajonal Vasily Anokhin në Telegram. Autoritetet nuk raportuan për viktima, ndërkohë ekipet e shpëtimit arritën të fikin zjarrin në Smolensk dhe në rrethinat e Yartsevos. Në një video të publikuar nga dëshmitarët e ngjarjes, duket zjarri i madh në një rafineri. Në javët e fundit, Ukraina ka kryer sulme në rafineritë ruse të naftës dhe në ndërtesat e tjera industriale duke përdorur dronë me rreze të gjata veprimi. Sulmi i 17 marsit kishte si objektiv dhjetëra rafineri ruse të naftës, që raportohet se përbënin rreth 12 për qind të kapacitetit të Rusisë për përpunimin e naftës. Ndërsa sulmi i sotëm vjen një ditë pasi Senati amerikan e miratoi një paketë të shumëpritur me ndihmë ushtarake për Ukrainën, në vlerë rreth 60 miliardë euro.