Zëdhënësi kryesor i presidentit rus Vladimir Putin nuk e ka mohuar mundwsinw se Moska mund të përdorë armët bërthamore nw Ukrainw. Ai pranoi gjithashtu se Rusia nuk ka arritur ende asnjë nga qëllimet e saj ushtarake në Ukrainë. Në një intervistë me CNN të martën, Dmitry Peskov në mënyrë të përsëritur refuzoi të përjashtonte që Rusia do të konsideronte përdorimin e armëve bërthamore kundër asaj që Moska e shihte si një "kërcënim ekzistencial". Kur u pyet se në çfarë kushtesh Putini do të përdorte aftësinë bërthamore të Rusisë, Peskov u përgjigj: "Nëse shohim një kërcënim ekzistencial për vendin tonë, atëherë mund ti pwrdorim ". I pyetur se çfarë mendonte Putini se kishte arritur deri më tani në Ukrainë, Peskov u përgjigj: " Ai nuk ka arritur ende dicka." Zëdhënësi pohoi gjithashtu se "operacioni special ushtarak" - ashtu sic zyrtarisht Kremlini e quan pushtimin e Rusisë në Ukrainë - "po vazhdonte në mënyrë rigoroze në përputhje me planet dhe qëllimet që ishin vendosur më parë". Peskov tha se “qëllimet kryesore të operacionit janë të eliminohet potenciali ushtarak i Ukrainës, të sigurohet që Ukraina do të jetë vend neutral, të eliminohen batalionet nacionaliste, si dhe qw Ukraina të pranojë që Krimea është pjesë e Rusisë dhe të pranojë pavarësinë e Luhanskut dhe Donetskut”. Pamjet: AFP