Hanter Biden, djali i presidentit amerikan, Joe Biden, u shpall fajtor nga një juri të martën, për tri akuzat ndaj tij. Ai akuzohej për dy deklarata të rreme kur plotësoi një formular për të blerë një pistoletë të markës “Kolt” në tetor të vitit 2018: fillimisht duke deklaruar në mënyrë të pavërtetë se nuk ishte i varur nga droga ose nuk përdorte drogë, dhe më pas duke deklaruar se deklarata ishte e vërtetë. Ndërkaq, në akuzën e tretë, thuhej se ai kishte deklaruar se e kishte në pronësi të paligjshme armën për 11 ditë. Hanter Biden mund të përballet në maksimum prej 25 vjetësh burgim. Juria e shpalli fajtor Bidenin për të tri akuzat pasi dëgjoi një javë dëshmi dhe prova të dëshmitarëve në gjyqin penal të profilit të lartë. Vendimin ndaj Bidenit demokratët mund ta shfrytëzojnë për ta kundërshtuar pretendimin e Donald Trumpit për një sistem drejtësie të armatosur kundër tij. Ky rast e bën Hunter Bidenin fëmijën e parë të një presidenti në detyrë të SHBA-së që dënohet për një krim. Gjyqi ndaj Bidenit pason dënimin penal më 30 maj të Trumpit, ish-presidenti i parë i SHBA-së që u shpall fajtor për një krim dhe sfiduesi republikan i Joe Bidenit, një demokrat, në zgjedhjet e 5 nëntorit. Pamjet: AFP