Krerët e komuniteteve fetare në vendin tonë u bëjnë thirrje të gjitha palëve të zgjedhin dialogun mbi konfliktin, duke vendosur mbi çdo interes të ngushtë të mirën e përbashkët, sigurinë e qytetarëve dhe paqen shoqërore Pas takimit që zhvilluan me presidentin Bajram Begaj, krerët e komuniteteve fetare dolën me një deklaratë të përbashkët për situatën aktuale me protestat në kryeqytet. Ata bën apel që qytetarët të dëgjohen, institucionet të përgjigjen, drejtësia të garantohet, ligji të respektohet dhe paqja të mbrohet. Më herët, gjatë meshës së të dielës në Katedralen Ngjallja e Krishtit, Kryepeshkopi i Kishës Ortodokse Shqiptare, Joan Pelushi theksoi nevojën që në këtë situatë është e domosdoshme që të merren vendimet e duhura. Shqipëria është e të gjithëve. Të gjithë ata që banojnë këtu, janë pjesë e saj dhe të gjithë kanë të drejtën për të marrë pjesë në ndërtimin e saj, u shpreh Kryepeshkopi. Ndërkohë, edhe Komuniteti Mysliman i Shqipërisë bëri thirrje për vetëpërmbajtje, dialog dhe përgjegjësi nga të gjitha palët.