Kryeministri francez Jean Castex ka dënuar sot numrin në rritje të sulmeve dhe kërcënimeve ndaj zyrtarëve që debatojne pasaportën e detyruar të vaksinimit. Ndërkohë partitë opozitare franceze u bashkuan sot dhe arritën të ndalojnë nismën e koalicionit të Emmanuel Macron për ashpërsimin e masave të vaksinimit të detyruar. Asembleja Kombëtare po debaton implementimin e pasaportës së vaksinimit të përdorur me detyrim në transportin publik, baret e ambjentet publike, duke hequr mundësinë e testeve negative. Qeveria donte ta fuste në fuqi masën këtë fundjavë, por republikanët e djathtë u bashkuan me të majtën ekstreme për të ndaluar debatin. Dje deputetja Agnès Le Bodo, e partisë së djathtë ‘Agir’ publikoi dje një email që kishte marrë me grafika kërcënimesh me jetë, për mbështetjen ndaj programit të vaksinimit. “Demokracia jonë është në rrezik,” shkruante Le Bodo, e cila është gjithashtu farmaciste dhe ka vaksinuar njerëz kundër Covid. Edhe Barbara Bessot Ballot e koalicionit në pushtet ‘En Marche!’ tha se deputetët kishin marrë kërcënime me vdekje për arsye të “sulmit të tyre ndaj demokracisë”.