Ish shefi I FBI, Charles McGonigal u dënua me më shumë se katër vite burg nga gjykata me akuzën se ndihmoi një oligark rus që të hiqej nga lista e zezë e Shteteve të Bashkuara. 55-vjeçari në muajin gusht u deklarua fajtor para gjykatës federale për akuzën e komplotit dhe pastrimit të parave, raporton BBC. Pasi nga hetimet rezultoi se kishte bashkëpunuar me rusin Oleg Deripaskan, i njohur si mik i afërt I Vladimir Putinit. Prokurorët thonë se ai dhe ish-diplomati rus Sergey Shestakov kanë shkelur sanksionet e SHBA-së duke rënë dakord t'i ofrojnë shërbime miliarderit dhe industrialistit rus Oleg Deripaska. Për rastin prokuroria, sipas mediave amerikane, kërkoi 5 vite burg dhe një gjobë prej 200 mijë dollarësh. Mc Gonigal akuzohet gjithashtu edhe për marrjen e një pagesë prej 225 mijë dollarësh që iu bë nga një ish-agjent I inteligjencës shqiptare, teksa ishte ende në detyrë në krye të FBI-së. Shuma iu dorëzua në vitin 2017, ndërsa ish agjenti I kundërzbulimit pretendoi para trupi gjykues se paratë ishin pjesë e një kredie për një biznes. Por pavarësisht pretendimeve, pagesa nuk ishte deklaruar sipas ligjit amerikan. Për këtë arsye ai është po hetohet dhe pritet të marrë një tjetër dënim në muajin shkurt të vitit 2024. Pamjet: AFP