Stuhi të fuqishme u përplasën mbi brigjet lindore të Shteteve të Bashkuara , duke sjellë me vete përmbytje, breshër e madje edhe tornado në Karolinën e Veriut e Georgia. Nju Jorku u përball me skena dramatike nga moti ekstrem. Shirat e rrëmbyer atje u bënë shkas që stacionet e metrosë të mbusheshin me ujë, ndërsa në Nju xhersi u raportua breshër me përmasat e një topi golfi. Disa rrugë kryesore, përfshirë Bronxin, janë mbyllur përkohësisht, duke shkaktuar kaos në trafik. Shkak i kësaj situate duket është bërë stuhia Elsa, e cila ende nuk e ka ndalur vrullin. Moti i keq ka qene gjithashtu arsye për vonesat e fluturimeve në aeroportin ndërkombëtare John F. Kennedy si dhe atë të LaGuardia-s. Ekspertët lëshuan një sërë paralajmërimesh për përmbytje duke qenë se reshjet e shiu pritet të vazhdojnë, ndërsa theksuan se fenomene të tilla ekstreme mund të bëhen gjithmonë e më të shpeshta për shkak të ndryshimeve klimatike.