Rafael Grossi, kreu i Agjencisë Ndërkombëtare të Energjisë Atomike (IAEA), thotë se sulmet amerikane në tre centralet bërthamorë të Iranit fundjavën e kaluar kishin shkaktuar dëme të rënda, por "jo totale", duke kundërshtuar pretendimin e Donald Trump se objektet bërthamore të Iranit ishin "shkatërruar plotësisht". "Sinqerisht, nuk mund të pretendohet se gjithçka është zhdukur dhe se nuk ka asgjë atje", tha Grossi për CBS Neës, duke shtuar se Teherani "brenda pak muajsh mund të jetë gati të prodhojnë uranium të pasuruar". Agjencia Ndërkombëtare e Energjisë Atomike nuk është organi i parë që sugjeron se aftësitë bërthamore të Iranit mund të vazhdojnë ende. Më herët gjatë javës që lamë pas, një vlerësim paraprak i Pentagonit zbuloi se sulmet amerikane vetëm e kanë vonuar programin bërtahmor të Iranit. Për momentin, Irani dhe Izraeli kanë rënë dakord për një armëpushim. Por Trump ka thënë se do ta shqyrtonte përsëri bombardimin e Iranit nëse inteligjenca amerikane zbulon se ai mund të pasurojë uranium në nivele shqetësuese. Nga ana tjetër, Irani ka dërguar mesazhe kontradiktore mbi dëmet e shkaktuara.