Presidenti amerikan Joe Biden udhëton të premten drejt Polonisë, ku planifikon të takohet me homologun polak Andrzej Dud, pasi të ketë ndaluar më parë në Bruksel për të marrë pjesë në samitin e NATO-s , BE.së dhe G7-s. prania e shefit të Shtëpisë së Badhë në Europë dërgon një sinjal të fuqishëm lidhur me përpjekjet e perëndimit për t`iu përgjigjur pushtimit të paprovokuar dhe brutal të Rusisë në ukrainë. Përpara udhëtimit, Biden do të zhvillojë dhe një telefonatë me kreun e Elizese, Emmanuel Macron, kancelarin gjerman Olaf Scholz, kryeministrin Italian Mario Draghi e kryeministrin britanik Borsi Johnson, me qëllimin të koordinojnë reagimin e tyre ndaj veprimeve të Moskës. në takimin e mëpasshëm me Andrzej Duda, do të flitet dhe për krizën e rëndë humanitare që ka shkaktuar kjo luftë. Dhjetë milionë persona – mbi çereku i popullsisë – tashmë janë larguar nga shtëpitë e tyre në Ukrainë për shkak të luftës “shkatërruese” të Rusisë, thotë OKB; 3.3 milionë prej tyre janë zhvendosur jashtë kufijve, nga të cilët mbi 2 milionë i janë drejtuar Polonisë. Boris Johnson, sakaq sipas shtypit britanik, po mendon të udhëtojë vetë drejt Kievit për të dëshmuar atje mbështetjen e plotë të Britanisë së Madhe. Megjirhatë, krerët e shërbimeve sekrete nuk janë aspak të entuziasmuar nga ideja që kryeministri të vizitojë një qytet që bombardohet vazhdimisht prej ushtrisë ruse. Situata atje është mjaft e rëndë e thonë ata, dhe do ta bënte shumë të vështirë garantimin e mbrojtjes së Johnsonit.