Banorët dhe turistët e New York po shijonin sot dëborën e parë të vitit që ka zbardhur parkun qendror Central Park. Fëmijë që rrëshkisnin me slita dhe familjarë që shëtisnin pranë liqeneve, ishin një pamje e zakonshme për parkun e famshem te metropolit. "Është shumë bukur, kishim nevojë për këtë. Veçanërisht pas pushimeve apo infektimeve në shkolla, kjo dëborë e zbut paksa seriozitetin”, tha banorja Linda Todd. “Është bukur të shijojsh parkun duke rrëshkitur me slita, duke bërë pak jetë normale për të harruar problemet për disa orë”. Turistët Alejandra e Emilio, gjithashtu po shijonin dëborën në Central Park: " Duket shumë bukur. Ne jemi dalë herët, prej orës 7:30, dolem për të shëtitur dhe erdhën në park pasi ka dëborë kudo”, thanë ata. Turistja franceze Manon Runel, tha se nuk priste kaq shumë dëborë; "E dija që do të binte dëborë por nuk prisja të kishte kaq shumë. Unë jetoj në Paris dhe aty dëbora nuk mbetet. Kjo këtu është dëborë e vërtetë”.