Ushtria koreano-jugore njoftoi se ka mobilizuar bombarduesit e saj pasi dy avionë ushtarakë kineze dhë 7 rusë hynë në zonën e mbrojtjes ajrore të vendit. Pekini e cilësoi këtë një stërvitje rutinë. Por ndonëse nuk e ka shkelur praktikisht hapësirën ajrore të Koresë së Veriut, skuadrilja shkaktoi alarm mes zyrtarëve koreano-jugorë të mbrojtjes. Pavarësisht se ky konsiderohet një provokim i qartë, i ngjashëm me ato të ushtrisë se saj në Tajvan, Kina thotë se manovrat shërbejnë thjesht për të vlerësuar nivelin e përgatitjes dhe të bashkëpunimit me rusët. Ndryshe nga hapësira ajrore, në zonën e mbrojtjes ajrore nuk janë në fuqi ligjet ndërkombëtare; aty janë vendet vetë që i kërkojnë avionëve të huaj të identifikohen e shohin nëse ata përbëjnë kërcënim. Në 2019-tën, avionë luftarakë koreano-jugorë qëlluan në shenjë paralajmërimi ndaj bombarduesve rusë të cilët hynë në hapësirën ajrore të Koresë së Jugut gjatë një patrullimi të përbashkët me Kinën. Koreja e Jugut, por edhe Japonia e akuzuan asokohe Moskën dhe Pekinin për lojra të rrezikshme me shkeljen e hapësirave të tyre ajrore, por Rusia dhe Kina i hodhën poshtë pretendimet e tyre.