Anija e vjetër norvegjeze Statsrad Lehmkul u ankorua në Havana si pjesë e iniciativës mjedisore të ruajtjes së botës detare dhe shtimin e rasatit të peshqve në Kubë. Me velat e saj të fryra nga era e mirë, anija ndaloi sot në portin e Havana teksa do të vazhdojë më tej lundrimin për në Bahamas me misionin e saj. Në këto ndalesa diplomatë norvegjezë dhe ndërkombëtarë në bordin e saj, nënshkruajnë marrëveshje për shtimin e rasatit detar, sipas projektit të quajtur NORAD. Banorë kuriozë që shëtisnin në bregdetin e Havana përshëndesnin ardhjen e anijes me vela në terminal, i cili ka qendruar prej kohesh i zbrazur prej pandemisë. Megjithse Kuba ka hapur kufijtë e saj detarë e ajrore këtë muaj, ende numri i anijeve turistike është i pakët. Uashingtoni vijon sanksionet për ndalimin e udhëtimeve detare atje që prej vitit 2019. Zyrtarë të anijes norvegjeze me vela do të mbajnë një seminar për mjedisin, qëndrueshmërinë dhe të ardhmen e oqeanëve në Havana në Hotel Nacional de Cuba. Anija norvegjeze është ndërtuar në vitin 1914. Ajo ka tre direkë dhe zotërohet nga fondacioni Statsrad Lemkul.