Lorenzo Çela është ndarë nga jeta pasditen e 12 gushtit në spitalin e Breshias në Itali, si pasojë e një aksidenti tragjik. 17-vjeçari ishte në makinë së bashku me të ëmën dhe të dashurën e tij, kur u përfshi në një aksident dy ditë më parë, teksa u transportua drejt spitalit në gjendje kritike, i cili nuk arriti t’i mbijetonte plagëve të marra. Menjëherë, prindërit e Lornezos kanë dhuruar organet e të birit, i cili u quajt si një gjest tepër bujar nga ana e tyre. Lajmin e ka bërë me dije klubi i futbollit ku Lorenzo bënte pjesë, Calcio Desenzano, duke e cilësuar ditën e djeshme si më të errtën në historinë e klubit dhe gjithashtu duke i shprehur ngushëllimet familjes së 17-vjeçarit. “Sot Calcio Desenzano po përjeton ditën më të trishtë që nga krijimi i tij. I gjithë klubi, duke filluar nga presidenti Roberto Marai, mblidhet rreth familjes së Lorenzo Çelës, mesfushorit të talentuar të skuadrës sonë të moshave, i cili u nda nga jeta tragjikisht pas një aksidenti rrugor. Si gjest i fundit i bujarisë së madhe, prindërit ranë dakord të dhuronin organet e djalit. Lamtumirë Lorenzo, përgjithmonë bardhë dhe blu”, shkruhej në postimin e klubit. Source: calcio_desenzano-Instagram https://www.instagram.com/calcio_desenzano/?utm_source=ig_embed&ig_rid=d85db2b0-8238-43e3-b4fa-bc26cf13ad03