Kthimi nga puna mbrëmjen e së dielës rezultoi i fundit për policin Agron Saba, mjeti i të cilit u përplas me një makinë tjetër dhe ndërroi jetë pak metra larg shtëpisë. Por ky aksident me vdekje ishte në vijim të dhjetëra të tjerëve që kanë përgjakur rrugët këtë vit. Nisur nga statistikat, Top Channel mëson se gjatë shkurtit ka pasur 11 aksidente më shumë se një vit më parë 88 të tilla, dhe me shumë se gjysma e tyre kanë ndodhur në Tiranë. Nga këto aksidente kanë mbetur të dëmtuar 123 persona.