Aeroplanmbajtësja e re britanike Queen Elizabeth dhe grupi i luftanijeve shoqëruese ishin ankoruar sot në brigjet indiane të Mumbai për manovra të përbashkëta ushtarake. Luftanija gjigande britanike është në misionin e saj të parë global, gjatë të cilit ka kryer disa ndërveprime me ushtritë e vendeve aleate. Sot në kuvertën e saj shihej që ngriheshin gjuajtësit F-35B, duke reklamuar teknologjinë e manovrimit dhe të ngritjeve vertikale. "Manovrat tona me ushtrinë indiane janë më të mëdhatë që kemi bërë. Kjo është hera e paqë që si komb, po stërvitemi në të njëjtën kohë në aspektin detar, tokësor e ajror”, tha komandanti britnaik Steve Moorhouse. Ai shtoi se në manovrat anti-nëndetëse një nga anijet indiane do të vihej në rolin e armikut dhe marinat e Indisë e Britanisë do të përpiqej ta gjente. “Ky është tipi i procedurave që kryejmë aty ku mund të punojmë në stil ‘bluja kundër të kuqes’. “Por forcat tona ndryshojnë palë disa herë për të shtuar kompleksitetin e stërvitjes”, shtoi ai.