Kryeministri izraelit Benjamin Netanyahu reagoi ndaj njohjes zyrtare të shtetit palestinez nga Mbretëria e Bashkuar, Kanadaja dhe Australia. "Nuk do të ketë shtet palestinez", tha ai në një mesazh me video të publikuar në mediat sociale. "Kam një mesazh të qartë për ata udhëheqës që njohin shtetin palestinez pas masakrës së tmerrshme të 7 tetorit - ju po shpërbleni terrorizmin. Një shtet palestinez nuk do të krijohet në perëndim të lumit Jordan", tha Netanjahu, duke paralajmëruar se vendosja e kolonëve në territoret palestineze do të vijojë. Udhëheqësi izraelit thotë gjithashtu se një "përgjigje ndaj përpjekjes së fundit për të imponuar një shtet terrorist në zemër të Izraelit" do të jepet pasi ai të kthehet nga SHBA-ja, ku do të marrë pjesë në Asamblenë e Përgjithshme të OKB-së në Nju Jork. Ndërkohë Hamasi, të cilin Mbretëria e Bashkuar dhe shumë vende të tjera e kanë shpallur si një organizatë terroriste, mirëpriti lajmin e njohjes së shtetit palestinez, jo vetëm nga Londra. Ky është një hap i rëndësishëm në afirmimin e të drejtës së popullit tonë palestinez për tokën dhe vendet e shenjta, dhe për të krijuar shtetin e tyre të pavarur me Jeruzalemin si kryeqytet." Por shtoi se ky veprim "duhet të shoqërohet me masa praktike" që do të çonin në "përfundimin e menjëhershëm" të luftës në Gaza. Përveç Mbretërisë së Bashkuar, një numër vendesh kanë thënë se do ta njohin shtetin palestinez ose po e shqyrtojnë një gjë të tillë. Presidenti i Francës, Emmanuel Macron, më herët këtë vit u bë udhëheqësi i parë i G7 që tha se vendi i tij do të njihte zyrtarisht shteton palestinez. Portugalia dhe Zelanda e re, po përgatiten të njoftojnë njohjen. Sipas BBC, rreth tre të katërtat e 193 anëtarëve të OKB-së tashmë e njohin shtetin palestinez.