Një bisedë ‘shumë të mirë’, e cilësoi presidenti amerikan, Donald Trump bisedën telefonike me homologun ukrainas, Volodymyr Zelensky, që sipas Shtëpisë së Bardhë zgjati rreth 60 minuta. “Ne jemi në rrugën e duhur”, shtoi Trump në një postim në llogarinë e tij në rrjetet sociale Truth Social “Pjesa më e madhe e diskutimit është bazuar telefonatën thirrjen që është zhvilluar një ditë më parë me presidentin Putin, me qëllim të afrimit të Rusisë dhe Ukrainës sa u përket kërkesave dhe nevojave”, shkroi presidenti amerikan. Ai tha se ka kërkuar që Sekretari i Shtetit Marco Rubio dhe Këshilltari i Sigurisë Kombëtare Mike Waltz “të japin një përshkrim të saktë të pikave të diskutuara” në vijim. Një ditë më parë Trump pati një telefonatë 90-minutëshe me homologun e tij rus, Vladimir Putin. Dy presidentët ranë dakord për një shkëmbim të burgosurish me Rusisë dhe Ukrainës, ku secila palë liroi 175 të burgosur lufte, Moska pranoi të dorëzojë edhe 23 ushtarë ukrainas të plagosur rëndë. Pas telefonatës, Putin urdhëroi ushtrinë ruse të ndalojë menjëherë sulmet në infrastrukturën energjetike të Ukrainës sipas propozimit të Trump, propozim që u pranua sot edhe nga Zelensky.