50 persona humbën jetën pas një sulmi me raketa në stacionin e trenit të Kramatorskut, në lindje të Ukrainës, në momentin kur aty gjendeshin rreth 4000 mijë persona dhe pikërisht në ditën kur drejt Kievit ishin nisur kryetarja e Komisionit Europian, Ursula von der Leyen dhe shefi i Politikës së jashtme të BE-së, Josep Borrell. Pavlo Kyrylenko, kryetari i rajonit të Donetsk tha se 5 nga 50 viktima ishin fëmijë, ndërsa tha se 98 të tjerë janë plagosur rëndë, ndaj numri i viktimave mudn të shtohet në vijim. Kreu i kompanisë shtetërore hekurudhore të Ukrainës tha se një nga dy sulmet e kryera nga Rusia të premten ra në një zonë ngjitur me stacionin Kramatorsk duke rrezikuar të gjithë njerëzit që ishin përreth. Forcat ruse po bombardojnë të gjitha stacionet, të gjithë infrastrukturën hekurudhore” dhe po bëjnë “çfarëdo që munden për të ndaluar programin e evakuimit të civilëve”, thanë autoritete ukrainase. Presidenti zelensky e përshkroi sulmin e rusëve si një e keqe që nuk njeh kufij, ndëekohe që edhe ndërkombëtarët e kanë dënuar njëkohësisht sulmin vdekjeprurës.