Pas 40 vitesh konflikti me Turqinë, militantët kurdë shpallën armëpushimin. Dy ditë më parë, lideri i tyre i burgosur, Abdullah Oçalan deklaroi se grupi duhet të ulë armët, dhe kaq u desh që Partia e Punëtorëve të Kurdistanit të dilte me një deklaratë ku thuhej “ se sot hyn në fuqi pushimzjarri më qëllimin t`i hapët rruga zbatimit të thirrjes së udhëheqësit tonë për paqe dhe për një shoqëri demokratike”. “Asnjë nga forcat tona nuk do të ndërmarrë veprime të armatosurve, përveç nëse sulmohen”, nënvizohej në deklaratë, ku kërkohej gjithashtu lirimi i Ocalanit nga burgu. Militantët kurdë kanë luftuar për 4 dekada për një shtet të pavarur apo për autonomi, sidomos në lindje të Turqisë. Nga qelia e tij në Turqi, ku mbahet që prej vitit 1999, Ocalan, tha se është koha të ulen armët, apel ky i cili u përshëndet nga presidenti turk, Recep Tayyip Erdogan, si nisje e një faze të re në fushatën e Ankarasë për të pasur një shtet “pa terrorizëm”. Forcat kurde, YPG, që udhëhoqën luftëtarë të mbështetur nga SHBA-ja në luftën kundër Shtetit Islamik në Siri, pohuan megjithatë se mesazhi i Ocalanit nuk vlen për ta. Ankaraja prej një kohe të gjatë e ka akuzuar YPG-në si të lidhur me Partinë e Punëtorëve të Kurdistanit. Ocalani e themeloi PKK-në më 1978 dhe 6 vjet më vonë, nisi një kryengritje të armatosur të përgjakshme, gjatë të cilës, ndër vite llogaritet të jenë vrarë mbi 40.000 persona.