Në imazhe shihen anëtarë të Gardës Kombëtare meksikane, punonjës dhe turistë të rezortit luksoz të Puerto Morelos, ku dy persona u vranë mbrëmë në përplasjen mes bandave rivale. Stafi dhe turistët e rezortit të famshëm bregdetar meksikan Cancún vraponin mbrëmë për t’u mbrojtur nga plumbat e grupeve të trafikut. “Asnjë turist nuk u lëndua apo u morr peng,” thanë zyrtarët, duke shtuar se sulmi i tmerrshëm u krye nga 15 njerëz me “armë të gjata”. Raportimet thonin se viktimat ishin trafikantë të dyshuar droge, ndërsa të paktën një person u lëndua nga goditjet e qytës së armëve. Punonjësit e rezortit fillimisht mohonin masakrën e bandave në rezort, e cila terrorizoi të ftuarit e hotelit. “Njerëz të armatosur dolën në plazh dhe nisën të qëllonin. Ne nisëm të kërkonim ndihmë dhe nuk dinin ç’të bënim”, tha turisti Andrew Krop. Rezortet panoranike të Cancún dhe Mayan Riviera tërheqin miliona turistë çdo vit dhe janë një prej burimeve kryesore të të ardhurave për Meksikën.