Shqipëria pritet të vaksinojë 60-70% të popullsisë së rritur deri në fund të vitit 2022, sipas përllogaritjeve që bëri “Njësia e Inteligjentes e The Economist”. Shumica e vendeve edhe ato të zhvilluara pritet ta krijojnë imunitetin e tufës në fund të këtij viti, thuhet në raport, duke marrë në konsideratë kriteret që përfshijnë marrëveshjet e furnizimit, kufizimet në prodhim, madhësinë e popullsisë dhe disponueshmërinë e punonjësve të kujdesit shëndetësor etj. Vendet e Ballkanit Perëndimor ku bën pjesë edhe Shqipëria si dhe një pjesë e vendeve të Azisë qendrore dhe Afrikës dhe Amerikës Latine do të përfundojnë vaksinimin në fund të vitit 2022. Në fund, përgjatë vitit 2023 do të përfundojë procesi i vaksinimit për vendet e Afrikës, disa vendeve të Azisë dhe Amerikës Latinë. Aktualisht janë duke u zhvilluar 50 vaksina për të luftuar Covid -19, sipas Organizatës Botërore të Shëndetësisë, por vetëm 12 kanë kaluar fazën e tretë dhe përfundimtare të testimit në njerëz po jo të gjitha janë miratuar nga autoritet BE dhe SHBA për përdorim. Në fillim të vitit 2021, tre vaksina, nga Pfizer (SH.B.A.) -BioNTech (Gjermani), Moderna (Sh.B.A) dhe AstraZeneca-Universiteti Oxford (MB), nisën të shpërndahen në vendet e zhvilluara. Ndërkohë, vaksinat kineze dhe ruse po shpërndahen si brenda vendit ashtu edhe në vendet në zhvillim si Egjipti, përmes marrëveshjeve dypalëshe diplomatike. Kjo do sjellë të ashtuquajturën diplomaci vaksinash, me Rusinë dhe Kinën që përpiqen të forcojnë statusin e tyre global përmes shpërndarjes së vaksinave.