Çdo ditë në redaksinë e Fiks Fare mbërrijnë dhjetra ankesa për gjendjen e rrugëve në qytete dhe fshatra të ndryshme të Shqipërisë. Pjesa më e madhe e ankesave që mbërrijnë në këtë redaksinë janë për gjendjen e shkatërruar të rrugëve , ose edhe ato që janë ndërtuar së fundi kanë filluar të prishen.Banorët që u janë drejtuar Fiksit thonë se e kanë shumë të vështirë të kalojnë çdo ditë në këto rrugë , pasi ato janë me gropa, baltë dhe të paasfaltuara. Ankuesit në të gjithë vendi cilësojnë si më të vështirë stinën e dimrit dhe kalimin që duhet të bëjnë në këto rrugë edhe pa trotuare fëmijët që shkojnë e vijnë çdo ditë nga shkolla. Fiks bëri një vëzhgim tek disa nga akset që kishin ardhur ankesa nga qytetarët. Njëra prej tyre ishte rruga '7 Nëntori' në Kashar, Tiranë. Një rrugë prej 4 kilometrazh në gjendje të rënduar. Gazetarët e Fiksit me një metër në dorë matën thellësinë e këtyre gropave e cila shkonte deri në 13 cm. Në aksin tjetër të rrugës industriale pranë autosdradës Tiranë- Durrës thellësia e gropave shkon deri në 25 cm.