90% e subjekte private dhe publike nuk inspektohen brenda vitit nga Inspektorati i Punës mbi vlerësimin për respektimin e të drejtave të punëtorëve. Kjo ndodh pasi ky inspektorat ka në dispozicion vetëm 33 inspektorë, derisa numri i bizneseve të regjistruara është rreth 60 mijë. Në një intervistë për Top Channel, zëvendës kryeinspektori i Inspektoratit të Punës, Agim Millaku tregon se madje numri i inspektorëve ka rënë nga 50 në vitin 2018 në 33 në vitin 2019. Millaku tregon se kanë kërkuar nga Ministria e Punës dhe Mirëqenies Sociale rritje të burimeve njerëzore për çka kishin marrë premtimet por nuk ishin realizuar. Në Sindikatën për Mbrojtjen e të të Drejtave të Punëtorëve të Sektorit Privat thonë se numri i inspektorëve nuk po rritet qëllimisht. Top Channel kishte raportuar ditë më parë se në këtë institucion numri i ankesave të punëtorëve mbi pretendimet për shkelje të të drejtave ishte mbi dyfishuar gjatë vitit 2020, në 10 mijë ankesa nga mbi 4 mijë sa ishin në vitin 2019.