Entuziasmit të fillimit, kur BE grumbullonte në letër sasi të mëdha vaksinash nga prodhues të ndryshëm të cilat duhet të mjaftonin për të përmbushur nevojat e një pjese të mirë të qytetarëve të saj, ia la ngadalë vendin shqetësimi dhe indinjata pikërisht atëherë kur marrëveshjet e bujshme duhet të viheshin në jetë. Problemet me furnizimin e bënë bllokun europian të dukej si dështak në një kohë emergjence si kjo, kur kërkohen zgjidhje dhe sytë drejtohen lart. Pfizer doli me pretekstin e një linje të re prodhimi, cka sipas kompanisë i vështiresonte përmbushjen e zotimeve, ndërsa AstraZeneca valëviste në fytyrën e zbehur të Brukselit pretendimet kontraktuale për të furnizuar më parë Mbretërinë e Bashkuar. Por ka dhe një të vërtetë tjetër, të cilën kompanitë e vaksinave e kanë mbajtur të fshehtë…