Në këto kushte nëna i është drejtuar Zyrës së Përmbarimit Berat, ku sëbashku me dy përmbarues , inspektorin e policisë së zonës paraqiten pranë banesës së dhunuesit. Fillimisht përmbaruesit kanë nxjerrë sendet dhe rrobat e fëmijëve nga shtëpia e të atit, dhe më pas kanë pritur ardhjen nga shkolla të fëmijëve si dhe prezencën e psikologes së bashkisë. Pikërisht ndërsa përmbarusit po prisnin që të ndërhynin për të marrë fëmijët, ka qenë inspektori i policisë së rendit i cili ka kundërshtur vendimin e gjykatës, ku sipas tij në vendimin e gjykatës nuk ishte shkruar se fëmijët i liheshin nënës . Por ka hasur në reagimin e përmbaruesve të cilët i kanë kërkuar të zbatojë ligjin dhe të mbështes ata në zbatimin e vendimit të gjykatës. Sipas përmbaruesve këtë vendim duhej ta kishte ekzekutuar policia. "Ne po vijmë për herë të dytë, pasi nuk u zbatua nga ata që duhet, dhe po ju thërrasim që ta zbatojmë bashkë”. Ndërsa inspektori i rendit u shpreh " nuk ju takojnë fëmijët. Më thellë nuk futem unë. Këtu nuk thotë policia të ndërmarrë këtë apo atë veprim" shprehet ai .