Komunitetet në mbarë Britaninë po përballen me një tjetër ditë përmbytjesh dhe kaosi të udhëtimit, pas shirave të rrëmbyer që solli stuhia Dennis. Më shumë se 300 paralajmërime për përmbytjet janë ende në fuqi në të gjithë Mbretërinë e Bashkuar, përfshirë dhe pesë paralajmërime të rënda që nënkuptojnë rrezikun për jetën. Ekipet e shpëtimit nisën nga puna që në orët e para të ditës për të nxjerrë me varka banorët e bllokuar nga shtëpitë e tyre në Worcestershire.