Ka njerëz që, kur flasin për jetën e tyre, nuk përpiqen të duken të fortë. Thjesht janë të vërtetë. Kështu ishte edhe kjo bisedë me Jeri Lalaj. Ju ftoj ta ndiqni këtë episod dhe shpresoj që, si unë, të gjeni diçka që do t'ju mbetet gjatë në mendje. Sonte ora 19:00 në kanalin e Top Channel në Youtube dhe në rrjetet sociale Grida Duma & Grida Duma Podcast Grida Duma sjell në skenë një projekt të ri mediatik, një podcast që shkon përtej lajmeve të ditës dhe debatit klasik politik. Ky podcast është një hapësirë për biseda të thella, personale dhe të sinqerta, ku personazhe të njohur ndajnë me publikun historitë që nuk i kanë treguar kurrë më parë. Qëllimi i këtij podcasti është të sjellë përpara publikut anën njerëzore të figurave të njohura, përmes rrëfimeve autentike mbi jetën e tyre, eksperiencat profesionale, sfidat, dështimet dhe momentet që i kanë formuar si individë.