Ka episode që i mbyll me vështirësi, sepse historitë mbeten me ty edhe pasi kamerat fiken. Ky është një prej tyre. Biseda me Eldën, drejtuesen e "Shtëpia në Kodër", më solli përballë rrëfimeve që flasin për dashurinë, humbjen, kujtesën, dinjitetin dhe vetminë e njerëzve në moshën e tretë. Histori që të prekin, të bëjnë të reflektosh dhe të kujtojnë sa e rëndësishme është mënyra se si kujdesemi për prindërit dhe gjyshërit tanë. Në këtë episod do të dëgjoni rrëfime për demencën dhe Alzheimerin, për familjet që përballen çdo ditë me këtë sfidë, por edhe për njerëzit që kanë zgjedhur ta kthejnë kujdesin për të moshuarit në misionin e jetës së tyre. Ndiqeni sot në orën 19:00 episodin e plotë me Eldën në kanalin e Top Channel në Youtube dhe rrjetet sociale Grida Duma Podcast dhe kanalin zyrtar të Grida Duma.