Policia e Vlorës ka sekuestruar 57000 euro dhe ka proceduar penalisht poseduesin e tyre, pasi nuk i deklaroi në kufi. Në Pikën e Kalimit Kufitar Vlorë, shërbimet e Policisë Kufitare, pas kontrollit në vijën e dytë të një automjeti me targë gjermane kanë konstatuar të fshehura në brendësi të mjetit dy pako të mbështjella, brenda të cilave kishte një sasi eurosh të padeklaruara në kufi.