Më 14 mars 2025 ka qenë edicioni i fundit pas 82 vitesh i Ditarit në gjuhën shqipe në Zërin e Amerikës. Të shtunën gazetarët e Zërit të Amerikës dhe (USAGM) u informuan se po pezulloheshin për një kohë të pacaktuar. Ky veprim pasoi një direktivë të Presidentit Trump për të shkurtuar të gjitha aktivitetet jo thelbësore në këtë agjenci, duke prekur më shumë se 1000 punonjës. Pezullimi i stafit në Zërin e Amerikës dhe rrjetet e tij simotra, të cilat arrijnë miliona në mbarë botën me lajme dhe programe kulturore, shkaktoi zemërim tek punonjësit aktualë dhe të mëparshëm, të cilët shprehën shqetësimin se ky veprim do të minonte misionin jetik të agjencisë për të dhënë lajme të pavarura, veçanërisht në vendet ku shtypi i lirë kërcënohet. Kritikët argumentojnë gjithashtu se nga shkurtimet përfitojnë regjimet autokratike në vende si Rusia, Kina dhe Bjellorusia. Sa do të preket liria e medias nga ky veprim?