Protesta e të shtunës nisi e ndarë në dy fronte, studentët përpara Ministrisë së Arsimit, ndërsa protesta e thirrur nga PD para kryeminsitrisë. Një pjesë e të rinjve kërkuan që deputetët të largoheshin, duke këmbëngulur se protesta nuk ishte organizuar nga partitë politike dhe se kauza e tyre nuk mund të përvetësohej prej tyre. Demokratët akuzuan Arlind Qorin e Lëvizja Bashkë se po i shërben kryeministrit duke krijuar përçarje brenda frontit kundër qeverisë. Për kreun e PD, Sali Berisha çdo përpjekje për të vënë në të njëjtin nivel qeverinë dhe opozitën rrezikon të dobësojë frontin kundër Ramës. Nga njëra anë, Berisha akuzon kryeministrin se po përçan protestën përmes Qorit, ndërsa ky i fundit e akuzon kreun e PD se përmes qëndrimit të tij politik, i shërben Ramës. Të dy pretendojnë se po mbrojnë interesin e qytetarëve, por asnjëri nuk e pranon legjitimitetin politik të tjetrit, duke zhvendosur debatin nga presioni ndaj qeverisë tek udhëheqja e revoltës qytetarë. Por, a po e dobëson protestën kjo përplasje? Kush ka të drejtë të flasë në emër të protestësuve?