Sportistët apo ish sportistët ukrainas nuk rreshtin së dhëni kontributin e tyre në ndihmë të vendit që prej 5 muajsh po vuan sulmet e paprovokuara të TRusisë e presidentit të saj Vladimir Putin. Është ky rasti i ish basketbollistit Slava Medvedenko, 2 herë kampion i NBA me Los Angeles Lakers në vitet 2001 e 2002 kur ka luajtur përkrah emrave të tillë si Kobe bryant dhe Shaquille O'Neal. Ish basketbollisti, tashmë 43 vjec, vendosi të nxjerrë në shitje pikërisht 2 unazat e kampionit të NBA dhe ajo që e mori përsipër ankandin për to ishte shtëpia e ankandeve SCP Auctions me këtë të fundit që do ta kalojë të ardhurat që do të përfitohen nga shitja e këtyre unazave për llogari të fondacionit Fly High të Medvedenkos që është në mbështetje të fëmijëve ukrainas dhe për të rindërtuar ambientet sportive të shkatërruara nga lufta me idenë për krijimin e klubeve të reja sportive në të të gjithë vendin