Forcat zjarrfikëse njoftojnë se 3 zjarre masive kanë shpërthyet në zonat e Lutrakit, 50 km nga Athina, ndërsa dy vatra të tjera po djegin në zonën Kalivia në një distancë 5 km nga aeroporti i Athinës, kurse një vatër tjetër ndodhet në zonën bregdetare në Anavisos. Banorët e fshatit u urdhëruan të largoheshin nga shtëpitë e tyre pasi zjarret e ndezura nga erërat e forta dëmtuan shtëpitë në juglindje dhe perëndim të Athinës të hënën, thanë autoritetet. Deri në 150 zjarrfikës, 40 makina zjarrfikëse dhe 11 avionë po përpiqeshin të kontrollonin flakët mes erërave të forta. Autostrada që lidh Athinën me Korinthin u bllokua për 1 orë ndërsa autoritetet thonë se mund ta mbyllin sërish atë.