Edon Zhegrova hyri si zëvendësues në sfidën e vështirë të Lilës ndaj Atletikos së Madridit në Spanjë. Megjithatë, mesfushori i përfaqësueses së Kosovës shkëlqeu në fushë dhe ishte protagonist në fitoren 3-1 ndaj spanjollëve me një supergol dhe një asist. Pas supergolit dhe tri pikëve, Edon Zhegrova ndau festën me shqiptarët që e kishin shoqëruar në tribunë. Një djalosh i dhuroi flamurin kombëtar dhe plisin, ndërsa sulmuesi i Kosovës i mori me vete në dhomat e zhveshjes. Aty festa ishte më e madhe, teksa nga pamjet e publikuara nga klubi kolegët e Lilë festuan me "shqiponjë". Me këtë fitore, Lilë ngjitet në kuotën e 6 pikëve në Champions League, pasi në ndeshjen pararendëse mposhti Realin e Madridit me rezultatin 1-0, ndërsa ka humbur ndeshjen hapëse ndaj Sportingut me rezultatin 2-0.