Detaje të reja janë bërë me dije nga zhdukja e mistershme e dy 46 vjecareve, Leondard Theodhori dhe Fatmir Sulovari, ndërkohë që hetimet vijojnë në këtë ditë të 20 të zhdukjes së tyre. Policia e Sarandës e cila ka kryer kontrolle në ambiente të ndryshme me qëllim gjetjen e dy personave, ka sekuestsruar një automjet të blinduar tip Jeep Cherokee me targa greke BOO – 9195. Bëhet me dije se automjeti u gjet në një platacion mandarinash në fshatin Xarrë të Bashkisë Konispol, zona nga ku dyshohet se mund të jenë groposur trupat e dy të zhdukurve. Një tjetër mjet i sekuestruar nga grupi i hetimit është një fuoristradë tip “Land Rover” Discovery me targa greke, e cila lëvizte në Sarandë me fenelina si të policisë. Ndërsa Mjeti “Mercedes-Benz”, i cili u përdor për rrëmbimin e dy personave, u identifikua nga kamerat e sigurisë dalje të fshatit Gjashtë, ku mori drejtimin për në Nivicë, aty edhe ku u gjet në një garazh pa dry të marrë me qira nga persona me banim në Sarandë. Policia në bashjëpunim me FNSH kanë ushtruar kërkime të shumta edhe këtë të mërkurë, por pa asnjë rezultat.