Në përgjithësi muaji gusht shënon fillimin e pushimeve për politikën shqiptare, por me zgjedhjet në horizont në Partinë Demokratike plazhet nuk janë më opsion i parë. Demokratët kanë filluar që në muajin e kaluar fazën e parë të përzgjedhjes së kandidaturave për zgjedhjet e përgjithshme, një proces që do të vazhdojë edhe gjatë muajit gusht, ku do të vijojë procesi i përzgjedhjes së kandidatëve, finalizimi i programit qeverisës dhe përgatitja e strukturave të partisë për zgjedhjet. Mësohet se kryedemokrati Lulzim Basha ditën e hënë do të mbledhë forumet më të larta vendimarrëse të Partisë Demokratike, Kryesinë dhe Këshillin Kombëtar. Nga mbledhja e këtyre forumeve pritet që demokratët të vendosin për ngritjen e Komisionit të Vlerësimit të Kandidatëve për deputetë për zgjedhjet e ardhshme parlamentare të 2021