Politika spanjolle është goditur nga një skandal I madh, ku një sërë ligjvënësish janë detyruar të pranojnë se kanë mashtruar në CV-të e tyre. Pak kohë më parë ishte anëtarja e komitetit drejtues të Partisë Popullore, Noelia Nunez, 33-vjeç ajo që pranoi publikisht se nuk e kushte përfunduar diplomimin e saj, duke kërkuar kështu falje e duke dhënë dorëheqjen. “I kërkoj falje kujtdo që ndihet i zhgënjyer, por gjithashtu besoj se nuk mjafton të thuash vetëm ‘më fal’,” deklaroi ajo raportojnë mediat spanjolle. Por shembulli I saj është ndjekur dhe nga politikanë të tjerë duke e kthyer kështu në një “trend”. Ana Millán, një figurë e lartë në qeverinë rajonale të Madridit të drejtuar nga PP-ja, pranoi po ashtu se nuk kishte deklaruar të dhëna të sakta. Vala e largimeve preku dhe ekstremin e djathë ku dhe aty u detyrua të largohej një anëtar I qeverisë rajonale të Extremadurës. Raste të ngjashme pati dhe në radhët e Partisë Socialiste. kjo gjë ka rritur akoma më shumë presionin mbi partitë politike që janë përfshirë nga një valë e gjerë dorëheqjesh.