Nga Budapesti ku u mbajtën punimet e komunitetit politik europian, liderët e ballkanit perëndimor shpalosën idetë e para të ndikimit gjeopolitik që mund të ketë administrata e Donald Trump. Presidenti serb, Aleksandër Vuçic u ndal tek lufta mes Rusisë dhe Ukrainës, presidentja e Kosovës, Vjosa Osmani tek domosdoshmëria për vijimin e mbështetjes amerikane për Prishtinën zyrtare teksa kryeministri grek, Mitsotakis bëri thirrje që Europa të zgjohet nga naiviteti gjeopolitik. Vuçiç: “Besoj se tani ekziston një shpresë se mund të fillojmë të diskutojmë, të paktën për sa i përket Ukrainës. Dhe shpresoj që njerëzit do ta shfrytëzojnë mundësinë e fitores së Trump për të diskutuar për këtë në një mënyrë bindëse. Dhe besoj se të gjithë do ta kuptojnë situatën, sepse çdo lloj marrëveshjeje mund të jetë e dobishme për të gjithë.”