Një lokal nate ne qytetin e fierit që vazhdonte punën edhe pas vendimit për mbylljen e tyre është pezulluar për një periudhë 1-vjeçare. Pezullimi ndodhi pasi policia e Fierit gjatë kontrollit konstatoi mbrëmjen e se henes, një biznes night club me muzikë që ushtronte aktivitetin në mënyrë të paligjshme. Para se të mbyllej, lokali i natës është gjobitur me 1.000.000 lekë, si mase adminsitrative vene nga inspektimet ne terren nga autoritetet. Ne deklaraten, ku behet publike masa e marre ndaj subjektit ne fjale, Policia e Fierit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19. Qeveria publikoi zyrtarisht kete fillim jave, vendimin e marre për mbylljen e të gjitha bareve, loungeve dhe bizneseve me muzikë live, për shkak të mosrespektimit të masave anti-covid dhe grumbullimit të shumtë të të rinjve në këto mjedise.