Nuk kemi dëgjuar shpesh që presidenti i Serbisë të kritikohet me zë të lartë. Aleksandar Vuçiç, stili i sundimit të të cilit ka tipare autokratike, është shumë stabël në pushtet. Mirëpo, pas ndryshimit befasues të kursit për çështjen e Kosovës, këtë të enjte në Kuvendin e Serbisë, ai u fye hapur duke u quajtur madje edhe tradhtar. Ndërsa kreu i shtetit mbronte ndryshimin e kursit të tij në parlament, politikanët e opozitës nacionaliste deklaronin se ky ishte kapitullim i Serbisë. Ata duan një refuzim të qartë të planit të propozuar nga Gjermania dhe Franca për t'i dhënë fund tensioneve aktuale ndërmjet Serbisë dhe Kosovës, që nuk nënkupton njohjen formale mes këtyre vendeve, por thjeshtë pranimin e ekzistencës së tyre.