Zyra e Prokurorit të Lartë Publik në Beograd ka njoftuar se kanë nisur hetimet në lidhje me dyshimet për keqpërdorim të fondeve të Agjencisë së Shteteve të Bashkuara për Zhvillim Ndërkombëtar (USAID) nga disa organizata joqeveritare në Serbi. Sipas Prokurorisë, Departamenti Special për Luftimin e Korrupsionit i ka kërkuar Policisë të mbledhë informatat e nevojshme për të verifikuar akuzat dhe për të grumbulluar prova në lidhje me dyshimet për keqpërdorim të fondeve të USAID-it, për keqpërdorim të fondeve dhe për pastrim të mundshëm parash. Shoqata Iniciativat Qytetare, përmes një deklarate konfirmoi, se policia ka hyrë në zyrat e saj. Sakaq, për aksionin e Policisë ka reaguar edhe presidenti serb, Alelsander Vuçiç, I cili është shprehur se Serbia do të ndihmojë Byronë Federale amerikane të Hetimeve (FBI) në hetimet e saj rreth financimit të OJQ-ve serbe nga USAID-i dhe nga Fondacioni Kombëtar për Demokraci.