Alfred Kipe, ish efektiv policie u shpall fajtor nga Gjykata e Milanos për vrasjen e gruas së tij Luljeta Heshta, 47 vjeçe. Ngjarja ndodhi një vit më parë, ku 44 vjecari u shpall fajtor për vrasjen e Heshtës, mirëpo ky i fundit nuk I pranoi akuzat me argumentin se ai nuk ka gisht në këtë ngjarje. Policia e Milanos në bashkëpunim me prokurorinë, bashkëpunuan për gati një vit, derisa ata mundën të faktojnë që Kipe kishte gisht në vrasjen e Luljetës. Ky i fundit doli përpara trupës gjykuese dhe pranoi krimin e rëndë si dhe tregoi të gjithë konfiktin që kishte me 47 vjecaren dhe arsyjen që e shtyu për ta vrarë atë. Pas këtyre të dhënave, gjykata e dënoi këtë të fundit me 24 vite burg. Ngjarja e rëndë ndodhi më 7 shkurt 2021. Luljeta Heshta punonte si prostitutë në Milano dhe më 7 shkurt u godit 5 herë me thikë e më pas u tërhoq zvarrë nga një person që ishte i veshur me të zeza, i cili rezultoi të ishte Alfred Kipe. Ky i fundit u filmua duke u larguar nga vendi i ngjarjes, por nuk e pranoi krimin deri në seancat e gjykatës. 47 vjecarja shqiptare vdiq në spital disa minuta pas ngjarjes, duke mos u mbijetuar plagëve të marra.