Një ngjarje e tmerrshme ka tronditur botën e Hollywood-it, ku djali i regjisorit të famshëm Rob Reiner, është akuzuar për vrasjen e prindërve të tij. Sipas raportimeve, 32-vjeçari Nick Reiner dyshohet se ka therur prindërit e tij ndërsa ata ishin në shtrat. Ai dyshohet se u preu fytin të dyve pa pasur dhembshuri për prindërit e tij. Tragjedia u zbulua nga vajza e tyre, Romy Reiner, 27 vjeçe, e cila gjeti trupat e prindërve të saj rreth orës 15:30 të dielën. Ajo raportoi menjëherë policisë se vëllai i saj ishte “i rrezikshëm” dhe mund të ishte përgjegjës. Nick po jetonte në shtëpinë e prindërve të tij në momentin e ngjarjes, por kur trupat u gjetën, ai nuk ndodhej aty. Më pas, I riu u arrestua rreth orës 21:15, në një motel pranë “Santa Monica Pier”, rreth 15 milje larg shtëpisë së prindërve. Hetuesit gjetën dhomën e motelit dhe dushin plot gjak, ndërsa dritaret të mbuluara me çarçafë. Nick, i cili rrallë shfaqet publikisht, ka folur më parë për përpjekjet e tij me varësinë nga droga. Në një intervistë të vitit 2016 për “People”, ai tregoi se kishte shkuar në rehabilitim për herë të parë në moshën 15-vjeçare dhe pas saj kishte pasur 17 trajtime të tjera.